«Чэйиҥ эрэ, уолаттар!!!»
А.П.Петров аатынан Бэйдиҥэтээҕи норуот айымньытын киинэ
Олунньу 24 күнүгэр,
Эркин курдук эрэнэр күүстээх аҥардарбытын Аҕа дойдуну көмүскээччилэр күннэринэн эҕэрдэлээн туран, «Чэйиҥ эрэ, уолаттар!» күрэҕи тэрийэн ыытта, күрэх быыҺыгар кэрэ аҥардар эҕэрдэ кэнсиэр олохтоотулар.
Күрэхтэһиигэ бөһүөлэкпит тэрилтэлэрин саамай хорсун күүстээх аҥардара кыттыыны ыллылар. Ол курдук: Бэйдиҥэтээҕи 7 нүөмэрдээх баһаарынай чаастан Данилов Иван Николаевич, олохтоох дьаһалтаттан Марков Леонид Егорович, дьиэ-уот коммунальнай хаһаайыстыбатыттан Винокуров Василий Иннокентьевич, Бэйдиҥэтээҕи КАЗС оператора Иванов Афанасий Иннокентьевич, «Чэчир» оҕо уһуйааныттан Бережнев Филипп Касьянович.
Дьүүллүүр сүбэҕэ Слепцов Игнатий Васильевич, Охлопкова Наталия Ивановна, Григорьева Саина Егоровна үлэлээтилэр.
Конкурспут барыта 5 түһүмэхтээх ыытылынна. Ол түмүгүнэн 1 миэстэни ылары ситистэ Марков Леонид Егорович, 2 миэстэни ылла Данилов Иван Николаевич, 3 миэстэ Бережнев Филипп Касьянович. Кыайыылаахтарга А.П.Петров аатынан Бэйдиҥэтээҕи ноуот айымньытын киинэ бириистэри олохтоото, Ону тэҥэ махталбытын биллэрэбит, күрэ5и киэргэппит, тэрилтэлэрин аатыттан кыттыбыт дьоммутугар, кыттааччыларга анал бириистэри олохтообут «Чэчир» оҕо уһуйааныгар, дьиэ-уот коммунальнай хаһаайыстыба тэрилтэтигэр, Бэйдиҥэтээҕи КАЗС, Баһаарынай чаас тэрилтэтигэр уонна олохтоох дьаһалтаҕа.
Бырааһынньыктааҕы кэнсиэри киэргэттилэр: «Дэгэйик», «Дьүөгэ», » Кэрэ ситим» үҥкүү коллективтара, Любовь Стручкова, Кэрэчээнэ Горохова, Ньургуйаана Григорьева, Кира Говорова ырыалара, Елена Сивцева-Сайаана хоһооно, «Айуу, чэ» көр-күлүү куруһуок кыргыттара.
