Арыылаахха Улуу Кыайыы өрөгөйдөөх 80 сылын көрсөн икки күннээх үрдүк таһымнаах тэрээһин буолла. Кыайыы скверыгар «Өлбөт, сүппэт сүгүрүйүү» саҥа пааматынньык аһыллыыта ыам ыйын 8 күнүгэр улуус дьаһалтата кыттыылаах, бөһүөлэк олохтоохторо оҕотуттан аҕа саастаахтарыгар тиийэ кыттыыны ыллылар.
Кыайыы күнүгэр бары тэрилтэлэр, олохтоохтор Орто Эбэттэн парадтаан хааман, араас транспораннаах массыыналар колоннаны киэргэтэн кыайыы репортаһынан доҕуһуоллатан скверга тиийэн кэллилэр. Парады Арыылаах олохтооҕо айар куттаах хоһоонньут Василий Рожин салайан аҕалла. Торжественнай чааһа саҕаланан эҕэрдэлэр, кыайыы буойуннарыгар сүгүрүйүү, веноктары ууруу буолла. Салгыы наҕараадалары, ветераннарга сэрии сылын оҕолоругар бэлэхтэри туттарыы, музыкальнай эҕэрдэлэр буоллулар.
Кыайыы 80 сылын кытта Арыылаах бөһүөлэгин олохтооҕо спорт ветерана, киэн туттар киһибит Ф.К.Давыдова 80 сааһынан улуустан анаан минээн кинини эҕэрдэлии кэлбит спорт ветераннара, үөлээннээхтэрэ долгуйан туран ахтыы оҥорон эҕэрдэлээтилэр. Өр сылларга үлэлээбит тэрилтэтэ бэлэхтэрин туттардылар.
Ол кэннэ «Кыайыы вальсыгар» эргийдилэр, «Саллаат хааһытынан» эбиэттээтилэр. Күргүөмүнэн ырыа акциятыгар кыттыһан «Смуглянка», «Хайыһар» ырыалар ылланнылар. Оҕолорго эстафета ыытыллан күрэхтэстилэр.
Бу курдук икки күннээх Өрөгөйдөөх Кыайыы күнүн өрө күүрүүлээхтик бэлиэтээтибит.
Тэрээһиҥҥэ кыттыбыт бары тэрилтэлэргэ, бырааһынньыгы ыытааччыларга, бары кыттыбыттарга ону таһынан транспорынан көмөлөспүттэргэ тэрийэр бөлөх аатыттан махталбытын биллэрэбит.
Этэҥҥэ буолун.
