Кини аатынан киэн туттабыт!!!
Бүгүн ыам ыйын 21 күнүгэр Өлтөх нэҺилиэгин Бэйдиҥэ бөҺүөлэгэр биир төҺүү түгэн буолан ааста, ол курдук Өлтөх нэҺилиэгин төрүт олохтоо5о, Бэйдиҥэ бөҺүөлэгин хабыллар хаба ортотунан быҺа охсон ааҺар сүрүн уулуссабыт аатын сүгэр биир дойдулаахпыт Михаил Николаевич Пестряков сырдык аатын үйэтитии, кини олорон ааспыт оло5ун үүнэр кэнчээри ыччакка «Кини кимий?» диэн суолталаах, сырдатыы ыытылынна. М.Н.Пестряков ийэ буорун бүрүммүтунэн сытар сирэ Бэйдиҥэ эбэ хотун биир көстүүлээх сирэ, оскуола ар5аа эҥээрэ буолар, бу манна кини көмүс уҥуо5а хараллыбыт сиригэр сэбиэскэй кэмҥэ оҺоҺуллубут бэлиэ таас эргэрбит эбит буолла5ына, быйыл олохтоох дьаҺалта чугас аймах дьонуттан көҥүл ылан бэлиэ тааҺы сөргүтүү, аныгылыы тупсарыы үлэтэ Андросов Дмитрий Семенович, Тарскай Петр Петрович көмөлөрүнэн оҥоҺулунна, саҥалыы билиитэ тэлгэннэ, үтүө киҺибит аата үйэлэргэ умнуллубатын, көмүс дьэҥкэ уҥуо5а кичэллээхтик хараллыннын диэн тимир күрүөннэн иилии эргитилиннэ.
Бүгүҥҥү тэрээҺиммит, өйдөбүнньүк күнэ Пионерия күнүгэр түбэспитэ сүрдээх долгутуулаах буолла.
Аан тылы нэҺилиэкпит а5а баҺылыга Алексеев Константин Анатольевич арыйда, аймах дьон аатыттан чугас быраата Пестряков Николай Гаврильевич сырдатыы оҥордо, олохтоох музей үлэҺитэ Охлопкова Ульяна Ивановна тыл эттэ, сырдатыы оҥордо.
«Кини Кимий?» история5а баар чахчыларга оло5урар эбит буоллахха, биҺиги кинини биир бөдөҥ общественнай суолталаах диэйэтэл быҺыытынан сыаналыыбыт, киэн туттабыт. Михаил Николаевич Пестряков Өлтөх нэҺилиэгэр 1908 сыллаахха төрөөбүт, 1936 сылтан 1939 сылга диэри аас аччык кэмнэргэ Уус Алдаҥҥа райсовет бэрэссэдээтэлинэн, кэлин Абыйга, Амма5а, Кэбээйигэ, Муома5а салайааччы быҺыытынан үрдүк дуоҺунастарга үлэлээбитэ.
Оло5ун оҥкула:
1929-30 сс. Уус Алдан оройуонун ыччат СойууҺун инструктора.
1930-31 сс. Кооператив бэрэссэдээтэлин солбуйааччы.
1931-34 сс. Райсовет исполкомун бэрэссэдээтэлин солбуйааччы.
1934-36 сс. Москва5а сэбиэскэй тутуу үрдүкү курсугар үөрэнэр.
1936-39 сс. Уус Алдан райсоветын бэрэссэдээтэлэ.
1939-43 сс. Абый райсоветын бэрэссэдээтэлэ.
1943-45 сс. Амма райсоветын бэрэссэдээтэлэ.
1945-46 сс. Иркутскай эппиэттээх үлэҺиттэр үрдүкү куурустарыгар үөрэнэр.
1946-52 сс. Кэбээйи райсоветын бэрэссэдээтэлинэн.
1952-53 сс. Дьокуускайга партийнай оскуола истээччитэ.
1953-55 сс. Икки сыллаах партийнай оскуола үөрэнэр.
1955-61 сс. Муома райсоветын бэрэссэдээтэлэ.
1961 сыыллаахха ыарахан ыарыыттан, үлэлии олорор кэбиниэтигэр тохсунньу 11 күнүгэр сырдык тыына быстыбыта.
1961 сыллаахха тохсунньу 13 күнүгэр Партия оройуоннаа5ы кэмитиэтин, райсовет исполкомун уураа5ынан Бэйдиҥэ оскуолатын пионерскай дружинатыгар партийнай-советскай уонна комсомольскай үлэҺит М.Н.Пестряков аата иҥэриллэр.
Сонуннарга анаан Өлтөх олохтоох прессата.
