Саха сириттэн Орочоон 33 төгүлүн ыытыллар фестивальга От ыйын 24 күнүгэр Саха сириттэн 7 киҺилээх делегация Кытай омугар бэйэлэрин тылларын, төрүт үгэстэрин сүтэрэн эрэр Орочоон омугар тиийэн 33 төгүлүн ыытыллар Орочооннор «Гулумна» диэн ааттыыр фестивалларыгар кыттыыны ыллылар. Бу Фестивальга Саха сириттэн Эбээн, Эбэҥки омуктар төрүт култуураларын, ырыаларын, төрүт үгэстэрин, Һээдьэ ырыатын, Сахалыы былыргы алгыс ырыаларын толордулар, ону тэҥэ Арассыйа5а до5ордоҺуу сыла биллэриллибитинэн До5ордоҺуу ырыатын күргүөмүнэн ыллаатылар. Бу хамсааҺын Уус Алдан улууҺун Бэйдиҥэтээ5и норуот айымньытын киинин директора Игнатий Слепцов 2025 сылга ахсынньы ыйга бэйэ-икки ардыгар түҺэрсиллибит сыҺыан быҺыытынан ыытылынна. Бу сүүнэ икки тыҺыынча ахсааннаах Орочоон омуга Улуу Кытай киэҥ дуолатынан тар5анан олорор омук икки тыҺыынчаттан тахса киҺи кыттыыны ылла. Бэйдиҥэтээ5и норуот айымньытын киинин директора Игнатий Слепцов бэйэтэ-бэйэтинэн баран э5эрдэ тыл эттэ, сахалыы алгыс тылын этэн, Эбэтэ норуот ырыаҺыта Слепцова М.Н. — Кустуй Маарыйа алгыс ырыатынан түҺүлгэни аста, Эбэҥкилии ырыа ылаата, Бэйдиҥэтээ5и норуот айымньытын иҺинэн үлэлиир «Дэгэйик» үнкүү бөлө5ө үҥкүүлээн битийдэ, Парасковья Сивцева сахалыы ырыа эгэлгэтин дуоратта, Булун улууҺун Намы бөҺүөлэгиттэн Омолой Төрүт култуура киинин директора Бурцева Ирина Алексеевна, Омолой төрүт култуура киинин уус-уран салайааччыта Дьяконов Павел Николаевич Һээдьэ ылаан дьиэрэттилэр, До5ордоҺуу ырыатын ньиргиттилэр. Бу тэрээҺини киэргэппит кыттааччыларбыт фестивальга кыттыыны ылар инниттэн икки күн устата ньиргиэрдээх айаны айаннаан тиийэн саха, эбээн омугун култууратын 2026 сылга биллэриллибит Саха сиригэр култуура сылынан бэйэлэригэр да, уруулуу дьиҥ хааннаах омуктарбытыгар да истиҥ бэлэ5и олохтоотулар. Ол курдук Синьэ сириттэн сүүнэ улахан дуоҺунаска сылдьар Сюнькэ уезд салайааччылара ыалдьыттары Кытай сиригэр үктэниэхтэриттэн дойдуларын булуохтарын тухары истиҥ сыҺыаны, уйа5ас сүрэхтэрин анаан көрүстүлэр, хонор сир, ыалдьыттары тиэйии, сарсыардаттан киэҺээҥҥэ диэри баай-тот сандалылаах остуол, ас эгэлгэтэ, онноо5ор барыы билиэттэрин кытары уйуннулар, өссө да инники тэрээҺиннэри бииргэ ыытыҺарга бэлэмнэрин эттилэр, дьиҥ убаастабыл, биир хаан омук буолалларын дэҥкэттилэр. Кыттааччылар төҺө да урут дойду сирдэринэн сылдьыбыт эбит буоллаллар, маннык курдук үтүө салайааччыны, маннык курдук көрсүө көрсүҺүүнү хаҺан да көрсө иликпит, үйэбитигэр биирдэ күлүм уот курдук сандааран ааспыт Орочоон омук дьэ кырдьык да саха өҺүн хоҺоонунуу «Аччыктаабыты ириэрэр, хоммуту хоннорор» биир хааннаах түүр омуу төрдө буолуон буолар эбиппит диэн бэйэбиттинэн ылынныбыт, билиннибит дэстилэр.Сонуннарга анаан Өлтөх олохтоох прессата.
